Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 08:01 / 30.07.2016
    5789
    1 дақиқада ўқилади

    Ереванда намойишчилар ва полиция ўртасида тўқнашувлар юз берди

    Ереванда полиция мухолифатнинг 5 минг кишидан иборат намойишини тарқатиб юборди. Гувоҳларнинг айтишича, намойишчилар томонидан иғвогарлик ҳаракатлари амалга оширилган: улар радикаллар томонидан қўлга олинган патруль-пост хизмати биносига йўлни тўсиб қўйган полициячиларга тош отган. Отишма вақтида 3 муҳолиф яраланган.

    Полиция норозилик билдираётганларни тарқатиш учун ёруғлик-шовқинли гранаталар ва бошқа махсус воситалардан фойдаланган. Тўқнашувлар вақтида ўнлаб кишилар ҳибсга олинган. Гранаталардан бирининг портлаши оқибатида бир бинога ўт кетган. 
    Патруль-пост хизмати биноси ҳанузгача мухолифлар назоратида қолмоқда.

    Еревандаги тартибсизликлар 17 июлда қуролланган кимсалар патруль-пост хизмати биносини қўлга олгандан кейин бошланган. Ҳозирда бинодаги барча гаровда ушлаб турилганлар озод қилинган, бироқ босқинчилар ихтиёрида полицияга тегишли қурол, автомобиль ва бошқа мулк қолмоқда.

    Мухолифлар "Янги Арманистон" сиёсий ҳаракатининг етакчиси Жирайра Сефиляннинг озод этилиши ва президент Серж Саргсяннинг истеъфога кетишини талаб қилишмоқда.