Германияда муҳожирларни қайд қилиш марказида қочқинлар оммавий муштлашув уюштиришди

Интернетда Германиянинг Дортмунд шаҳридаги муҳожирлар ишлари марказида суриялик ва ливанлик қочқинлар уюштирган муштлашув видеоси пайдо бўлди.

Rheinische Post нашрининг маълум қилишича, муштлашув 1 августда юз берган. Полиция маълумотларига кўра, муштлашувда 14 ёшдан 37 ёшгача бўлган 8 киши, жумладан бир аёл иштирок этган.  

Полиция ушбу ҳолат юзасидан уч нафар йигитни ушлаган, улар кейинроқ қўйиб юборилган. Муштлашув сабабини ҳозирча аниқлашнинг иложи бўлмаган.

Таъкидланишича, 5 киши кичик жароҳатлар билан шифохонага етказилган.