Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Ўзбекистон | 19:20 / 07.08.2016
    16140
    1 дақиқада ўқилади

    Uzbekistan Airways самолёти двигателдаги муаммо туфайли Пулково аэропортига қайта қўнди

    Uzbekistan Airways авиакомпаниясининг Boeing-757 русумли самолёти Санкт-Петербургдаги Пулково аэропортига авариявий қўнишни амалга оширди. 

    РИА Новости агентлиги хабарига кўра, Санкт-Петербургдан Фарғонага йўл олган самолётнинг двигатели ишдан чиққан. 

    Самолёт капитани носозликни аниқлаб, Пулково аэропортига қайтишга қарор қилди ва 9 марта аэропорт устида айланиб фавқулодда қўнишни амалга оширди.

    Самолёт бортида 179 киши бўлган. Гувоҳларнинг айтишича, самолёт ҳавога кўтарилганида қаттиқ овоз эшитилган.

    "Соат 16:32да самолёт аэропортга қайта қўнди", дейилган манбада.

    Самолёт ёқилғини сарфлаб юбориш учун қўнишни кутиш ҳудудида маълум вақт учиб юришига тўғри келган. Сўнгра у аэропортга бешикаст қўнган. Йўловчилардан ҳеч ким жабрланмаган.