"Хонда" янги авлоддаги Civic хэтчбекининг суратларини намойиш қилди

Honda компанияси 10-авлоддаги Civic хэтчбекининг расмий суратларини тарқатди. Ҳозирча моделнинг Шимолий Америка учун версияси суратлари чоп этилди. Бу машина кузда сотила бошланади. Машинанинг Европа варианти октябрда Париж автосалонида намойиш қилинади, сотувга эса 2017 йил бошида чиқарилади.

Янги машина 2015 йилда Женевадаги моторшоуда тақдим қилинган шундай номдаги прототип услубида бажарилган. Суратларда моделнинг қимматбаҳо версияси Sport Touring тасвирланган. У стандарт моделдан тажовузкор кузов осма деталлари, жумладан орқа спойлер, кенгайтирилган ён "юбкалар", иккита тутун чиқариш қувури билан фарқланади. 

АҚШда машина 1,5 литрли бензин двигатели билан таклиф қилинади, бу двигатель стандарт версияда 174 от кучига, қимматбаҳо версияда эса 180 от кучига эришади. Узатмалар қутиси олти поғонали  механикёки вариатор кўринишида ишланган. 

Машинанинг европача варианти учун 1 литрли бензинли двигатель асосий двигатель бўлади. Унинг қуввати 100 от кучини ташкил қилади. Бундан ташқари, 1,5 литрли пуркамали ва 1,6 литрли дизель двигателлар ҳам таклиф қилинади. 

Машина мослашувчан круиз-контроль, бош ёруғликнинг ёруғлик-диодли фаралари, йўлда қаторлаб ҳаракатланишни кузатиш тизими, олд тўқнашувлардан огоҳлантирувчи функция билан жиҳозланади. Бундан ташқари, машина учун Apple CarPlay ва Android Auto’га эга мультимедиа мажмуасини буюртириш мумкин. 

Кейинроқ машинанинг қувватланган Type R варианти пайдо бўлади. Дастлабки маълумотларга кўра, хот-хэтч икки литрли, 310 от кучидан 345 от кучигача бўлган двигатель билан жиҳозланади. Бу модель 2017 йил охирларига яқин намойиш қилинади.