FES Watch U -  E-ink технологияси асосидаги Sony соатлари

Sony бўлинмасига қарашли япон стартапи Fashion Entertainments  электрон қоғоздан фойдаланилган янги қўл соат — FES Watch U'ни тақдим этди. Гаджет классик ташқи кўринишга эга бўлиб, соат юзи ва тасмаси аввалгидек рангларнинг ўзгартира оладиган E Ink панеллари билан жиҳозланган. Ҳозирда 12 хил дизайн имкониятлари мавжуд бўлиб, бошқа созлагичларни iOS учун мўлжалланган дастурлар орқали (Android учун уланишга ҳозирча имкон йўқ) юклаб олиш мумкин.

Суратларни соат корпусидаги тугмалар орқали ёки смартфондаги дастурлар ёрдамида ўзгартириш мумкин. FES Watch U соатининг автоном иш вақти уч ҳафтани ташкил этади. Намликка қарши IPX5/IPX7 стандарти бўйича ҳимоя мавжуд. Янгилик уч талқинда ишлаб чиқарилади: сапфир шишали қора (590 доллар),  минераль шишали оқ ва кулранг кўринишда (486).

Аввалдан буюртма бериш ўтган йили Sony томонидан ишга туширилган First Flight краудфандинг майдонида амалга оширилади. Чекланган сондаги 10 фоиз чегирмали соатларга (437 доллардан) буюртма бериш мумкин. 7 октябргача стартап деярли 200 000 доллар йиғиб олишни кўзда тутган. Айни дамда лойиҳа зарур маблағнинг 19 фоизини қўлга кирита олди.