Саркози террорчилик масалалари бўйича суд тузишни таклиф қилди
Франциянинг собиқ президенти Николя Саркози Францияда террорчилик масалалари бўйича махсус суд тузишни таклиф қилди. У бу ҳақда Le Journal du Dimanche нашрига берган интервьюсида айтиб ўтди.
"Террорчилик масалалари бўйича махсус суд яратиш керак, шунингдек тегишли прокуратура яратишни ҳам таклиф қиламан. Террорчилик билан кураш бу масала бўйича қарорлар махсус ҳуқуқшунослар томонидан қабул қилинишини талаб қилади", деб айтди Саркози.
Саркози террорчиликка алоқадорликда гумон қилинганлар сақланадиган марказ яратишни ҳам таклиф қилди. Сиёсатчининг фикрича, судланган террорчиларни алоҳида қамоқ камераларига жойлаштириш лозим.
Саркозининг фикрича, амалдаги президент Франсуа Олланд ҳукумати мамлакат фуқароларини террорчилик хавфидан ҳимоя қилиш учун етарлича саъй-ҳаракатлар қабул қилмаяпти.
Мавзуга оид
20:25 / 22.09.2024
Францияда узоқ муддатли сиёсий инқироздан кейин янги ҳукумат тасдиқланди
21:36 / 21.09.2024
Францияда талабалар археологик қазиш ишлари давомида 200 йиллик мактубни топди
12:10 / 21.09.2024
Украина ҳарбий учувчилари Францияда тайёргарликни якунлади
23:37 / 14.09.2024