Канада хоккей терма жамоаси охирги дақиқада киритилган шайба ҳисобига жаҳон кубогини қўлга киритди

Канада терма жамоаси Торонтода бўлиб ўтган хоккей бўйича жаҳон финалининг 2-учрашувида ҳам Европа терма жамоасини мағлуб этди. Учрашув 2:1 ҳисобида якунланди. 

Европаликлар Здено Харанинг 7-дақиқада киритган шайбасидан кейин учрашувнинг деярли охиригача ҳисобда олдинда бордилар. Бироқ канадаликлар учрашув тугашига 2-дақиқа қолганда аввал ҳисобни тенглаштириб, сўнгра охирги дақиқада ғалаба голини киритишга муваффақ бўлишди. Бунда шайбаларни кўпчиликда Бержерон (58-дақ.) ва камчиликда Брэд Маршан (60-дақ.) киритдилар.

Финалнинг 1-учрашувида ҳам канадаликларнинг қўли баланд келганди (3:1). Шу тариқа, "заранг япроқлар" 2016 йилги жаҳон кубоги соҳибига айландилар. 

Хоккей бўйича жаҳон кубоги. Финал. 2-учрашув

Европа — Канада — 1:2 (1:0, 0:0, 0:2)

1:0 — Хара (Секера, Нильсен) — 06:26.

1:1 — Бержерон (Бернс, Кросби) — 57:07 ГБ.

1:2 — Маршан (Тэйвз, Пьетранджело) — 59:16 ГМ.