Спорт | 19:28 / 09.10.2016
14141
1 дақиқада ўқилади

Боатенг тарихдаги энг яхши футболчи ҳақида: Бу Пеле, Марадона ёки Зидан эмас

Фото: twitter.com/@udlaspalmasNET

Ганалик ярим ҳимоячи, ҳозирда Испаниянинг «Лас-Пальмас» жамоасида тўп сураётган Кевин-Принс Боатенг Роналдиньони тарихдаги энг яхши футболчи сифатида билишини билдирди.

«Мен «Милан»га келганимда ва у билан бирга ўйнаганимда Диньонинг энг яхши даврлари ортда қолганди. Лекин у шу вақтда ҳам тўп билан истаганини қила оларди.

Бундай лаҳзаларда уни кўрганингизда сиз ҳам уни Зидан, Пеле ёки Марадонадан яхшироқ бўлганини ҳис этардингиз.

У неча марта истаса, шунча марта дарвоза тўсинини нишонга ола биларди. У тўп билан шундай жонглёрлик амалларини кўрсатиб берардики, тасаввурга сиғдириш қийин. Бўйи 180 сантиметр бўлган бундай талантни бошқа топиб  бўлмайди», – дея Боатенгнинг сўзларини келтирган Football Espana нашри.

Азиз Қаршиев
Тайёрлаган Азиз Қаршиев
Kun.uz янгиликларини Google News'да кузатинг
+ Обуна бўлиш

Мавзуга оид