БМТ: Афғонистонда опиум етиштириш ҳажми кескин ошиши мумкин

GETTY IMAGES

Афғонистонда 2016 йили кўкнори етиштириладиган майдонлар ҳажми 10 фоизга ошган. Бунга об-ҳаво шароитлари қулай келгани ҳамда халқаро миқёсда наркотик моддалар савдосига қарши кураш ишлари кўлами пасайгани сабаб бўлди. Бу ҳақда БМТ ҳисоботида келтирилган.

AFP агентлиги хабарига кўра, бунинг ортида опиум етиштирилиши ҳажми 43 фоизга ошади.

«Бу йилда ўтган йилнинг шу вақти билан солиштирганда ҳайдалган майдонлар 10 фоизга кўп. Бу миқдор 183 минг гектардан 201 минг гектарга ортган», — деган Афғонистон наркотикка қарши кураш вазири Саломат Азимий.

2014 йилда Афғонистонда опиум етиштириш ҳажми рекорд даражада ортганди.