Дунёнинг бир нечта шаҳарларида дизель автомобиллар тақиқлаб қўйилади

Афина, Мехико, Мадрид ва Париж мэрлари Мехикода дунё шаҳарлари етакчилари учрашувида 2025 йилгача дизель ёқилғида ишловчи енгил ва юк машиналарини тақиқлашга келишиб олдилар.

Келишув электрокар, гибрид ва водородда ишловчи машиналарни қўллаш, шаҳарларда сайр ҳудудлари ва велосипедлар учун инфратузилмаларни ривожлантиришни рағбатлантиришни ўз ичига олади.

Бу шаҳарларнинг барчаси ҳавонинг ёмонлигидан азият чекади. Парижда айни вақтда 1997 йилгача рўйхатдан ўтган автомобилларга кириш тақиқланган, шаҳар марказидаги йўллар эса йўловчи ҳудудларига айлантирилмоқда.

Бу шаҳарлар мэрлари дизель ёқилғида ишловчи автомобиллар ҳаракати тақиқланган Токиодан ўрнак оладилар.