19 декабрь куни Анқарада Россия элчиси Андрей Карловнинг ҳаётига суиқасд қилиниши бўйича тергов ишларида шу аниқландики, қотилликни амалга оширган Мерт Олтинтош ўша куни сартарош ва ҳаммомга борган ҳамда 115 турк лирасига (44 доллар) янги костюм сотиб олган.
Бундан олдинги хабарларда ушбу жиноятчи суиқасд содир этилган фотокўргазма яқинидаги меҳмонхонада хона банд қилиб, шу ерда қотиллик режасини тузгани айтилганди.
Россия бу ҳодиса бўйича "Инсон ўлимига олиб келган халқаро терроризм акти" моддаси бўйича жиноий иш очган.
Бугун Москвада, Россия ТИВ биносида Карлов билан видолашув маросими бўлиб ўтди. Маросимга Россия президенти Владимир Путин ҳам ташриф буюрди.
