Чироқ ўчганлиги сабаб Самарқанддаги ўйин Тошкентда давом эттирилади

Бугун футзал бўйича XXI миллий чемпионат 4-турида тўртинчи кун беллашувлари ўтказилди. "Локомотив" ва "Металлург" жамоалари ўртасида кечган куннинг сўнгги учрашуви биринчи бўлимдан сўнг тўхтатилди. 

Ўзбекистон футзал уюшмаси берган хабарга кўра, бунга аренада электр қуввати узилиб қолиши сабаб бўлган. Тартиб-интизом қўмитаси ушбу баҳсни бошқа кунга қолдиришга қарор қилди. Жамоалар ўртасидаги ўйиннинг иккинчи бўлими кейинроқ Тошкентда ўтказилади. 

Олий лига, 1-босқич, 4-тур
"Локомотив" - "Металлург" 0:2 (1-бўлимдан кейин)
Голлар: Ғ.Мамажонов 8, С.Иномжонов 18