Қўшимча функционаллар
-
Тунги кўриниш
ФХХ Владимирда терактга тайёрланган икки террорчини йўқ қилди, улар марказий осиёлик бўлган
Россия Федерал хавфсизлик хизмати Владимир вилоятида террорчилар билан алоқада бўлган икки шахсни йўқ қилди. Қўлга олиш амалиёти вақтида ушбу шахслар қуролли қаршилик кўрсатгач, ўлдирилган.
РИА Новости хабарига кўра, бу шахслар келиб чиқишига кўра марказий осиёликлар бўлиб, бири 26, иккинчиси 30 ёшда бўлган. Улар халқаро терроризмга алоқадор экани ва кишиларни жангарилар сафига ёллаш билан шуғуллангани гумон қилинмоқда. Улар жойлашган ҳудуддан портловчи қурилмалар тайёрлаш технологиялари аниқланган. Аниқланишича, ушбу шахслар Россия ҳудудида терактлар содир этишга тайёрланган.
Махсус амалиёт ўтказилган ҳудуддан бомба учун қисмлар, АК-74 автомати, пистолетлар ва ўқ-дорилар топилган. Амалиёт чоғида махсус кучлар томонидан жабрланувчилар йўқ.
Айни вақтда ҳодиса бўйича жиноий иш очилган.
ФХХ маълумотига кўра, бугун Краснодар ўлкасида экстремистлар гуруҳи қўлга олинди. Улар яшаётган квартира тинтув қилинганида портловчи қурилмалар тайёрлаш учун қисмлар, гайкалар тўлдирилган қути ҳамда экстремистик адабиётлар топилган.
Мавзуга оид
12:21 / 18.02.2026
Россияда операторлар ФХХ талаби билан алоқани ўчириши мумкин
19:07 / 30.06.2025
Sputnik агентлигининг Бокудаги офисида Россия махсус хизматининг икки ходими қўлга олинди
17:34 / 27.04.2025
ФХХ россиялик генерални портлатишда гумонланган шахс қўлга олинганини маълум қилди
21:54 / 27.02.2025