"Барселона" ва Аргентина терма жамоаси ҳужумчиси Лионель Мессининг дисквалификацияси бекор қилинди. Бу ҳақда Tribuna.uz сайти хабар тарқатди.
Манбага кўра, тартиб интизом қўмитаси Аргентина футбол федерацияси берган апелляциядан кейин вазиятни ўрганиб чиққан ва етарлича фактлар бўлмагани сабаб, Мессининг дисквалификацияси бекор қилинган.
Эслатиб ўтамиз, Лионель Месси ЖЧ-2018 саралаш босқичи доирасидаги Чили терма жамоасига қарши учрашувда қанот ҳакамини ҳақорат қилгани учун тўртта учрашувга дисквалификация қилинганди. Мессининг ўзи бу айбловларни рад этган ва ўзига-ўзи сўкинганини айтганди.
Маълумот учун Лионель Месси дисквалификация сабаб Боливияга қарши учрашувни ўтказиб юборганди.
