Си Цзиньпин Трампни Шимолий Кореяга нисбатан босиқроқ бўлишга чақирди
Хитой раиси Си Цзиньпин АҚШ президенти Дональд Трампни Шимолий Корея атрофидаги тарангликнинг кучайишига олиб келадиган исталган қадамлардан тийилишга чақирди.
Улар ўртасида бўлиб ўтган телефон мулоқотида Цзиньпин Хитой ҳам АҚШ кўзлаган мақсад – Шимолий Корея томондан ядровий таҳдидни бартараф қилишни кўзлашини айтган.
“Айни вақтда барча тегишли томонлар босиқлик намоён қилишлари ва яриморолда вазиятнинг кескинлашишига олиб келадиган баёнот ва ҳаракатлардан қочишлари керак”, деб айтган Цзиньпин.
Цзиньпиннинг айтишича, Корея яримороли муаммосини ҳал қилиш учун музокараларни қўллаб-қувватлаш керак ва Пекин бунга тайёр.
Ўз навбатида Трамп АҚШ Хитой билан бирга ўзаро манфаатли халқаро масалалар бўйича мулоқот ва ҳамкорликни давом эттиришини таъкидлаб ўтган.
Аввалроқ Трамп Шимолий Корея АҚШнинг Тинч океанидаги ҳудуди бўлган Гуам оролига ракета зарбаси берса, унда бундан “жуда афсусланишини” айтганди.
Мавзуга оид
16:31 / 18.10.2024
КХДР Украинадаги урушга 12 минг ҳарбийсини юбормоқчи — Жанубий Корея разведкаси
23:22 / 17.10.2024
Шимолий Кореяда чучхе календари бекор қилинди
19:27 / 17.10.2024
Шимолий кореялик ҳакерлар ядровий дастур учун 3 млрд доллар ўғирлаган — Microsoft
10:10 / 17.10.2024