Хитойлик олимлар жамоаси шўр суюқликлар, жумладан тер, кўз ёши ва сийдикда ишловчи қайишқоқ батарейка яратди. Бу ҳақда Chem журналида сўзланди.
Ҳозирда имплантация қилинувчи тиббиёт қурилмаларида қаттиқ литий-ионли батарейкалар ишлатилади, мавжуд қайишқоқ батарейкалар эса бемор хавфсизлигига хавф солувчи алангаланувчи ёки заҳарли электролитларга эга.
Олимлар икки турдаги батарейкаларни яратишди: улардан бири ичида электродлар жойлашган кўп қатламли тасма, иккинчиси чилвир кўринишида ўралган нанотрубкалар шаклида бажарилган. Янги батарейкалар учун электролит сифатида натрий сульфати хизмат қилади, бироқ олимлар у шўр сувда ёки танадан чиқувчи шўр суюқликларда ҳам ишлай олишини таъкидлашмоқда.
Олимлар янги батарейкалар тақиб юрилувчи ёки имплантация қилинувчи қурилмаларга тўғри келишига умид қилмоқдалар.
