200 дан ортиқ аёл режиссёр Жеймс Тобэкни жинсий шилқимликда айблади

200 дан ортиқ аёл режиссёр Жеймс Тобэкни жинсий шилқимлик қилишда айблади, деб хабар бермоқда Los Angeles Times.

Аввалроқ газета эълон қилган мақолада Тобэкнинг шилқимлигидан жабрланган 38 шахсдан хабарлар олгани ҳақида маълум қилганди. Аёлларнинг сўзларига кўра, режиссёр Манхэттен кўчалари ёки жамоат жойларида уларнинг ёнига яқинлашиб, ўзининг янги фильмида роль таклиф қилган. Бироқ кастинг вақтида қизлар жинсий шилқимликларга учрашган.

Нашрнинг билдиришича, мақола эълон қилинганидан кейин 200 дан ортиқ аёл мактублар, телефон қўнғироқлари ҳамда ижтимоий тармоқлардаги хабарлар орқали Тобэк томонидан жинсий шилқимликларга учрашгани ҳақида айтиб беришган.

Таъкидланишича, Лос-Анжелес полицияси ҳам жинсий кўринишдаги жиноятлар бўйича тезкор боғланиш рақамларига кўплаб қўнғироқларни қабул қилиб олган. Яқин орада ҳуқуқни муҳофаза қилиш идоралари ходимлари суриштирув ўтказишмоқчи.