Пучдемон Каталониядаги сайловларда дунёнинг исталган нуқтасидан иштирок этишга тайёрлигини билдирди

Фото:© AP Photo/Manu Fernandez

Каталониянинг собиқ раҳбари Карлес Пучдемон 21 декабрга белгиланган Каталонияда ўтадиган сайловларга ўз номзодини қўйишга ва буни сайёрамизнинг исталган нуқтасидан амалга оширишга тайёрлигини айтди.

У бу ҳақда Бельгиянинг RTBF телеканалига берган интервьюсида айтиб ўтган.

“Мен номзод бўлишга тайёрман”, деб айтган Пучдемон. Каталониянинг собиқ раҳбари журналистнинг у ўз сайловолди кампаниясини Бельгиядан олиб бориши-бормаслигини аниқлаштириш мақсадида берган саволига “бу кампанияни сайёрамизнинг исталган жойидан олиб боришга тайёрлигини” айтган.

Пучдемон бошчилигидаги Каталония раҳбарияти Испания ҳукумати томондан четлатилди. Сиёсатчи ҳозирда Каталониянинг 4 нафар собиқ вазири билан биргаликда Бельгияда қолмоқда.

Тайёрлаган Шуҳрат Раҳимов

#Каталония #Карлес Пучдемон

Испаниянинг шимолий-шарқий ҳудудида, Каталония автономиясида, истиқомат қилувчи аҳоли 1 октябрь каталонларнинг мустақиллик масаласини ҳал этиш учун кўчага чиқди. Расмий Мадрид ушбу ҳаракатни йўққа чиқариш мақсадида маҳаллий полиция кучидан фойдаланмоқда.