Пентагон раҳбари Сурия ҳақида: “БМТ бизга рухсат берди”

Пентагон раҳбари Жеймс Мэттиснинг фикрича, БМТ АҚШга Сурия ҳудудига киришга рухсат берган, сабаби ИШИД террорчилик гуруҳига қарши резолюцияни қабул қилган.

"БМТ, умуман олганда, биз ИШИДни овлашимиз мумкинлигини маълум қилди", - дея айтиб ўтган Мэттис журналистларнинг АҚШнинг Сурияда бўлиши учун қандай юридик асоси бор экани ҳақидаги саволига жавоб қайтариб.

"Биз у ерда ИШИДни йўқ қилиш учун қолмоқдамиз. Бу биз шунчаки кетишимиз, у ерда эса ИШИД 2.0 пайдо бўлиши, биз эса ҳайрон бўлгандек ўзимизни тутишимизни англатмайди. Шунинг учун бизга Женевада БМТ шафелигида саъй-ҳаракатлар лозим, бу олға силжишга керак", - дея қўшимча қилиб ўтган Мэттис.

БМТ Хавфсизлик Кенгаши АҚШга Суриядаги ҳарбий амалиётлар учун рухсат бермаган.

Сурия ҳукумати АҚШнинг мамлакатда қолиши ноқонуний эканини иддао этмоқда, сабаби у давлат ҳукуматининг рухсатисиз рўй бермоқда.