Путин Назарбоев билан телефон мулоқоти ўтказди

Россия ва Қозоғистон президенти Владимир Путин ҳамда Нурсултон Назарбоев телефон орқали мулоқотда Коллектив хавфсизлик шартномаси ташкилотининг Минск шаҳрида бўлиб ўтган Коллектив хавфсизлик кенгаши музокаралари якунларини муҳокама қилишди. Бу ҳақда Кремль матбуот хизмати хабар бермоқда.

"Россия президенти Владимир Путиннинг Қозоғистон президенти Нурсултон Назарбоев билан телефон орқали мулоқоти бўлиб ўтди. Минск шаҳрида жорий йилнинг 30 ноябрь куни бўлиб ўтган Коллектив хавфсизлик шартномаси ташкилотининг Коллектив хавфсизлик кенгаши йиғилиши якунлари бўйича қатор долзарб масалалар муҳокама қилинди", - дейилади хабарда.