«Яшил миля» ва «Шоушенкдан қочиш» фильми муаллифларидан бири вафот этди

АҚШда саҳналаштирувчи рассом, «Оскар» мукофотини икки марта қўлга киритган Теренс Марш 87 ёшида ҳаётдан кўз юмди. Бу ҳақда Variety хабар бермоқда.

Таъкидланишича, Марш Калифорниядаги ўз уйида вафот этган.

У сўнгги бир неча йил давомида саратон касаллиги билан курашиб келгани айтилмоқда.

Марш «Оскар»ни «Доктор Живаго» ва «Оливер!» фильмларидаги ишлари учун олган.