МИБ аукционида қатор автомобиллар ва Тошкентдаги кафе сотувга қўйилди

Ўзбекистон Республикаси Бош прокуратураси ҳузуридаги Мажбурий ижро бюросининг “Электрон онлайн аукционларни ташкил этиш маркази” томонидан навбатдаги мулклар "ким ошди" савдосига қўйилди.

Аукционга ҳар сафар турли вилоятлардан ижро буюртмалари жойлаштирилиб борилмоқда.

Бу сафарги аукционга қатор автомобиллар, Намангандаги турар жой, Тошкент шаҳри Яшнобод туманидаги нотурар жой (гўзаллик салони), Тошкент шаҳри Сергели туманидаги кафе, Фарғона вилояти Тошлоқ туманидаги савдо дўкони, Наманган вилояти Норин туманидаги автомобилларни тузатиш устахонаси, Қашқадарё вилояти Нишон туманидаги автомобилларни ювиш шохобчаси ва кафе биноси қўйилган.