Флоридадаги Бабкок-ранч – қуёш энергияси билан бутунлай таъминланувчи АҚШдаги илк шаҳар

Bloomberg нашри Флоридадаги Бабкок-ранч шаҳридан суратларни эълон қилди. У ўзида ўрнатилган қуёш батареялари ҳисобидан ўзини электр энергияси билан тўлиқ таъминлайди.

Kitson & Partners қурувчи компанияси илк бор шаҳар лойиҳаси ҳақида 2005 йилда маълумот берган эди, деб ёзади CNBC. Шаҳар 340 минг қуёш батареяси ҳисобидан электр энергияси билан таъминланади. Электр нафақат Бабкок-ранчнинг ўзига, балки яқин атрофдаги аҳоли туманларига ҳам етади.

2018 йилнинг бошида шаҳарга икки оила кўчиб ўтди. Бироқ қўшни туманлардан бўлган ўқувчилар, Bloomberg хабарига кўра, шаҳарда пайдо бўладиган илк мактабларга ўтишга тайёрдир. Лойиҳа муаллифлари Бабкок-ранч ҳудудида ҳаммаси бўлиб 19,5 мингта уй қуришни режалаштиришмоқда, уларда 50 мингга яқин одам яшайди. Ҳозирча қурувчи компания 100та уйни қуришга шартнома имзолади.