Фарғонада муқаддам судланган ака муқаддам судланган укасини уриб ўлдирди

Фарғона туманида қотиллик юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 24 март куни соат 09.30ларда Наврўз МФЙ Янгиҳаёт кўчасида яшовчи, муқаддам судланган, 1973 йилда туғилган А.Т. шу МФЙ Соҳибкор кўчасида яшаган укаси, муқаддам судланган, 1980 йилда туғилган А.Т.нинг уйида ўзаро жанжал оқибатида уни қорин ва кўкрак қисмларига уриб-тепиб жароҳат етказган. 

Натижада А.Т. касалхонага ётқизилган ва кўрсатилган тиббий муолажаларга қарамай вафот этган. Кўрилган чоралар натижасида А.Т. қўлга олинган.