“Амстердам Арена” афсонавий Йохан Кройфф шарафига қайта номланади

Амстердамнинг “Аякс” клуби ўз майдони “Амстердам Арена”ни кейинги мавсумдан жамоанинг собиқ футболчиси, афсонавий Йохан Кройфф шарафига қайта номлайди.

Кейинги мавсумдан стадион “Йохан Кройфф Арена” деб атала бошланади. Шунингдек, Кройффнинг туғилган куни – 25 апрелда клубнинг янгиланган логотипи тақдим қилинади.

Кройфф 2016 йил 24 мартда 68 ёшида вафот этган. У “Аякс”, “Барселона” ва Нидерландия терма жамоаси сафида тўп сурган. Кройфф фаолиятини якунлагандан кейин икки клубга ҳам мураббийлик қилган.