Қўшимча функционаллар
-
Тунги кўриниш
Путин Саркисян билан Арманистондаги жорий ҳолатни муҳокама қилди
Фото: Корреспондент.net
Россия Федерацияси президенти Владимир Путин Арманистон президенти Армен Саркисян билан Арманистондаги жорий ҳолатни муҳокама қилди, деб хабар бермоқда Кремль матубот хизмати.
«Арманистондаги жорий ҳолат муҳокама қилинди. Владимир Путин ва Армен Саркисян ички инқирозни тезроқ бартараф қилиш учун мамлакатдаги барча сиёсий кучлар тийилиши ва масъулиятни ҳис қилиши лозимлиги, мавжуд муаммоларни қатъий ва конституцион доирада ҳал қилиш учун тайёр эканлигини намойиш этиши кераклигини таъкидлашди», — дейилади хабарда.
Арманистоннинг собиқ президенти Серж Саргсяннинг мамлакат бош вазири этиб сайланишига қарши акциялар 13 апрель куни бошланган эди. Мухолифат икки муддат президентлик курсисида ўтирган Саргсянни самарасиз бошқарув ва мамлакатдаги иқтисодий аҳволнинг ёмонлашувида айбламоқда. 17 апрель куни мухолифат «бахмал инқилоб» бошланганини эълон қилди. Норозиликларга қарамасдан, Арманистон парламенти ўша куниёқ Саргсянни вазирлар маҳкамаси раҳбари этиб сайлади. Орадан бир ҳафта ўтгач, 23 апрель куни давом этаётган норозилик акциялари фонида Саргсян истеъфо берди. Бу воқеаларгача Арманистонда конституцияга киритилган мамлакат бош вазирига кенг ваколатлар берувчи ўзгартиришлар кучга кирган эди.
Мавзуга оид
04:02 / 24.01.2022
Арманистон президенти кутилмаганда истеъфога чиқди. У Пашинян билан зиддиятда эди
22:30 / 03.05.2021
Арманистон президентига нисбатан икки фуқароликни яширгани учун жиноий иш қўзғатилди
18:10 / 02.03.2021
Арманистон президенти бош штаб бошлиғини ишдан бўшатишни яна бир бор рад этди
21:56 / 27.02.2021