Amazon ўз тармоғини прокси-сервер сифатида қўллашни тақиқлади

Фото: Фото: Frank Augstein / AP

Amazon ўз тармоғини блоклашларни четлаб ўтиш учун прокси-сервер сифатида қўллашни тақиқлади. Бу ҳақда компания блогида маълум қилинди. Охирги манзилни яширишга имкон берувчи технологияни дастурчиларгина ўзларида сақлаб қоладилар.

Компанияда тушунтирилишича, бу тақиқлов Amazon тармоғи орқали зарарли дастурларни тарқатувчи ғараз ниятли фойдаланувчиларга қарши кураш учун қаратилган.

The Verge нашрининг таъкидлашича, бу тақиқлов Amazon’дан блоклашларни четлаб ўтиш учун фойдаланган сервисларга, жумладан Россия ва Эронда тақиқланган Telegram мессенжерига киришга таъсир қилади.

Апрелда Google ҳам худди шундай йўл тутганди.

Россияда апрель ўрталаридан Telegram мессенжерини тўсишга ҳаракат қилинмоқда. Роскомнадзор мессенжерга киришни чеклаш учун аксарияти Google ва Amazon’га тегишли бўлган бир неча миллионлаб IP-адресларни тақиқланган сайтлар рўйхатига киритганди. Бунинг оқибатида эса бошқа ресурслар ҳам жабр кўрган.