Ахборот-коммуникация технологияларини ривожлантириш жамғармаси «Алоқабанк»нинг 22 фоизини харид қилди

Ахборот-коммуникация технологияларини ривожлантириш жамғармаси «Алоқабанк»нинг 22 фоизини харид қилди. Бундан «Тошкент» Республика фонд биржаси маълумотлари дарак бермоқда.

Битим 24 май куни ташкил этилган биржадан ташқари бозорда ёпилди.

Битимдан сўнг жамғармада банкнинг 620 минг дона акциялари мавжуд, бу эса компания умумий акцияларининг 22 фоизини ташкил этади.

Аввалроқ, Тикланиш ва тараққиёт жамғармаси банкнинг 50,77 фоиз акцияларини харид қилганди.

«Алоқабанк» 1994 йилда Ўзбекистон Алоқа ва ахборотлаштириш агентлиги корхоналари ҳамда кичик бизнес ва хусусий тадбиркорлик субъектларини молиявий қўллаб-қувватлаш мақсадида ташкил этилган.