Тошкентда 30 кишилик тўй ўтказилди

Тошкент шаҳри Олмазор туманининг «Тепагузар» маҳалла фуқаролар йиғинида 30 кишилик тўй ўтказилди. Бу ҳақда  МФЙ раиси Абдували Умаржоновга асосланган ҳолда ЎзА хабар берган.

«Яқинда маҳалламизда ортиқча исрофгарчиликсиз намунавий тўй ўтказдик. Бир йигит оила қуриш ниятидалигини айтиб, бизга мурожаат қилди. Маҳалла фаоллари ўзаро кенгашган ҳолда, 30 кишилик жуда чиройли ва ихчам тўй ўтказдик. Тўйдан тежалган маблағни эса ҳамкорлар билан келишиб, ёш оилага кредит асосида уй олиб беришга сарфладик», — деган МФЙ раиси.

Эслатиб ўтамиз, 29 июнь куни Олмазор туманида бўлиб ўтган фаоллар йиғилишида Ўзбекистон президенти Шавкат Мирзиёев яна бир бор тўй-маросимлар масаласига тўхталиб ўтган, олмазорликларни 50 кишилик тўй қилишни бошлаб бериб, бутун Тошкентга намуна бўлишга чақирганди.