Трамп Путинни «яхши рақобатчи» деб атади

АҚШ президенти Дональд Трамп россиялик ҳамкасби Владимир Путинни “яхши рақобатчи” деб атади ва АҚШ суюлтирилган табиий газ ёрдамида “Шимолий оқим-2” газ қувури билан рақобат қилишини қўшимча қилди. 

“Мен уни (Путинни) рақобатчи, жуда яхши рақобатчи деб атадим. Ўйлайманки, рақобатчи сўзи – мақтовдир”, деб айтган Трамп Путин билан учрашув якунларига бағишланган матбуот анжуманда. 

“Биз газ қувури борасида рақобатчилик қиламиз. Мен бу Германия манфаатларига яхшими-йўқми билмайман, бироқ қарор қабул қилинди”, деб жавоб қилган Трамп “Шимолий оқим-2” ҳақидаги саволга.

Трамп АҚШ энг йирик углеводородлар ишлаб чиқарувчи давлат бўлмоқчилигини эслатиб ўтган. “Биз суюлтирилган газ сотиб, газ қувури билан рақобат қиламиз”, деб айтган Трамп.