Корея 2019 йилда 5 G хизматини ишга туширади

Учта йирик мобил компаниялар – SK Telecom, KT ва LG U+ кейинги йили биринчи маротаба 5G хизматларини йўлга қўйишади. Ушбу ҳаракат давлат раҳбари Мун Же Иннинг Кореяни 5G технологиясини фаоллаштиришда етакчи бўлишига қаратилган мақсадини амалий кўриниши сифатида баҳоланади.

17 июль куни Marriot Park Center (Cеул)да Ахборот ва коммуникация технологиялари вазири Ю Юнг Мин компаниялар раҳбарлари – Ҳа Ҳюнь Ҳвои (LG U+), Ҳванг Чанг-Гю (KT) ва Парк Жунг Ҳо (SK Telecom) билан учрашиб фойдали келишувга эришди.

«Мамлакатда 5G технологиясини жорий этиш ва глобал бозорда устунликни қўлга киритиш учун ўзаро курашлардан қочиш керак. Бу йўлда бир-бирингизга кўмак беришингизни сўрайман. Биргаликдаги ҳамкорлик жуда муҳим», деди вазир Ю раҳбарларга қарата.

Ушбу фикрларга жавобан SK Telecom директори шундай деган: «Биз, албатта, соғлом рақобатни ривожлантирган ҳолда саноат экотизимини қадрлаймиз».

KT бошлиғи ҳам нутқ сўзлади: «Умуман олиб қараганда, 4G хизматлари B2C бизнеси билан боғланган, лекин ҳозирда уларнинг сони жуда камайиб кетган. 5G ни ривожлантириш учун кўпроқ сармоя талаб этилади. Чунки ушбу технология B2B бизнес моделлари ва кенг жамоятчилик талабларини қондириш учун керак».

Амалий ишлар кейинги ойдан бошланади ва сентябрь ойида коммерциал алоқа йўлга қўйилади.