Фото: KUN.UZ
Ўзбекистон Хотин-қизлар қўмитаси томонидан хотин-қизларга алоқадор бир қанча масалалар, бу борада амалга оширилаётган ишлар муҳокамасига бағишланган матбуот анжумани ташкил этилди, деб хабар бермоқда ЎзА.
Матбуот анжуманида Ўзбекистон Бош вазири ўринбосари, Ўзбекистон Хотин-қизлар қўмитаси раиси Танзила Норбоева маърузасида юртимизда қонуний никоҳдан ўтмасдан, фақат шаръий никоҳ билан яшаётганлар борасида тўхталиб ўтди.
– Биламизки, бундай никоҳлар қонунчилигимизда ноқонуний никоҳ ҳисобланади ва юртимизда 12 мингдан ортиқ оила қонунан никоҳдан ўтмасдан яшаб келаётгани аниқланди. Маҳалла ва Ўзбекистон Хотин-қизлар қўмитаси аралашуви билан улардан 5152 тасининг никоҳи қонунийлаштирилди, – деди Танзила Норбоева.
