Эрдўған АҚШ F-35 самолётларини етказиб беришни тўхтатиши оқибатларидан огоҳлантирди

Burhan Ozbilici/AP

Туркия президенти Ражаб Тоййиб Эрдўған агарда расмий Вашингтон F-35 қирувчи самолётларини етказиб бермайдиган бўлса, Анқара халқаро арбитраж судига мурожаат қилишини айтди. Бу ҳақда Haberturk хабар берди.

Унинг сўзларига кўра, агарда АҚШ Туркияга F-35 самолётларини етказиб бермаса, мамлакат халқаро арбитражга мурожаат қилади.
У шунингдек, F-35 самолётларининг «муқобили» борлигини ҳам қайд этиб ўтди.

Аввалроқ ОАВ АҚШ конгресси Анқара Россиядан С-400 зенит ракета мажмуаларини сотиб олиши туфайли Туркияга F-35 қирувчиларини етказиб беришни тўхтатиб қўйганини хабар қилганди.

Қайд этилишича, бу Қўшма Штатларнинг 2019 йилги ҳарбий бюджети сўнгги талқинига тегишли тузатишлар киритиш орқали жорий этилган.

#Ражаб Эрдўған