АҚШда қўлга олинган 25 нафар шахсдан 3 нафари Қозоғистон фуқароси эканлиги аниқланди
Қозоғистоннинг 3 нафар фуқароси АҚШда йирик фирибгарликни амалга оширганликда айбланмоқда. Улардан бири мамлакатни тарк этмаслик шарти билан озод қилинди, дея хабар бермоқда Қозоғистон Республикаси Ташқи ишлар вазирлиги матбуот котиби Ойбек Смадияров.
“Уч нафар фуқаромиз қўлга олингани рост. Икки нафари ҳибсга олинган, бир нафари соғлиғи туфайли АҚШни тарк этмаслик шарти билан озод этилди. Нью-Йорк штати Жанубий округи прокурори берган баёнотда уларга 20 йилдан 30 йилгача қамоқ жазоси тайинланади”, - деди у.
Унинг сўзларига кўра, Қозоғистоннинг Нью-Йоркдаги консуллиги қўлга олинган фуқароларни қонуний ҳимоя қилиш билан шуғулланади. Жами 25 нафар шахс ўртасида содир этилган уюшган жиноятчилик қимматбаҳо автомобиллар савдоси бўйичадир.
Ўтган ой охирида АҚШ адлия вазирлиги 25 нафар фуқаро (7 нафари россиялик) автомобиль савдоси бўйича йирик жиноятчиликда айбланаётганлигини эълон қилди. Аниқланишича, фирибгарлар машиналар сотилиши бўйича сохта эълонлар тайёрлашган ва мижозлардан олдиндан пул олиб қочишган. Ноқонуний савдодан жами 4.5 млн АҚШ доллари фойда олинган.
Мавзуга оид
22:59 / 24.09.2024
Манғистов-Нукус йўналишида ҳаракатланаётган поездда ёнғин юз берди
21:24 / 24.09.2024
Россия хавфсизлик кучлари Украинага қарши урушдан бош тортган ҳарбийни Қозоғистондан ўғирлаб кетди
19:37 / 24.09.2024
АҚШда паркдан ўғирлаб кетилган олти ёшли бола 70 йилдан сўнг топилди
19:24 / 24.09.2024