Payme картадан картага пул ўтказиш энди барча банкларни қамраб олганлигини эълон қилди

Payme тўлов тизими картадан картага пул ўтказиш функциясини энди Ўзбекистондаги барча банкларда амалга ошириш мумкинлигини маълум қилади. Компания HamkorBank билан келишувга эришди ва шу тариқа келишилган банкларнинг умумий сони 28 тага етди. Бошқа барча банклар каби, пул ўтказиш хизмати нархи 1 % ни ташкил этади. Қабул қилиш ва ўтказиш лимити ойига 10 000 000 сўмни ташкил этади.

Шунингдек компания янги фойдаланувчилар учун 17 июлдан 17 августгача кенг миқёсли акция ўтказмоқда.  Ҳар куни акция иштирокчиларидан бири 300 000 сўм пул ютуғига эга бўлади ва ютуқ бевосита пластик картага ўтказилади. Ўйин шартлари оддий:

• Телефонингизга iOS ва Android учун мўлжалланган Payme мобил иловасини юклаб олинг;
• Мобил иловада аввал ишлатмаган банк картангизни тизимга киритинг;
• Исталган товар ёки хизматга исталган суммага тўловни амалга оширинг.

Ушбу шартларни бажарган ҳар бир иштирокчига ID-код юборилади. Сўнг тасодифий сонлар генератори ёрдамида омадли ғолиб аниқланади. Ушбу шартларни атиги бир марта бажарганингиздан сўнг биринчи ғолибликни қўлга киритгунга қадар бутун акция давомида иштирок этасиз. Акцияда иштирок этиш ҳақидаги батафсил маълумотни қуйидаги ҳавола орқали олишингиз мумкин.

Реклама ҳуқуқи асосида