Хэй-он-Уай – дунёга машҳур китоблар шаҳри

Хэй-он-Уай (ингл. Hay-on-Wye) – Буюк Британиядаги китоблар шаҳри (кичик бозор-шаҳарча) сифатида машҳур. Миттигина шаҳар Англия ва Уэльс чегарасида, Уай дарёсининг шарқий қирғоғида жойлашган. Аҳолиси 1900 кишидан иборат.

Библиофил Ричард Жорж Уильям Питт Бут 1961 йилда илк китоб пештахтасини очди. У ерда янги бўлмаган китобларни сотарди. Бу китобларни унга қариндошлари юборишарди.

Ғоя вақт ўтиши билан шу даражада кенг тус олдики, китоб жавонлари бутун шаҳарни тўлдирди. Барча ўз китоб дўконларини очишни бошлади. Бугун Хей-он-уай сайёҳлар учун энг бадиий шаҳарга айланди. Бу ерга ҳар йили 500 мингга яқин сайёҳ ташриф буюради.

1988 йилдан бошлаб,”The Guardian” газетаси бугунги кунга қадар ўтказиб келинадиган “Hay” адабий фестивалининг ҳомийсига айланди.

Шаҳар бўйлаб сайр қилинса, 40 тага яқин дўконларни топиш мумкин. У ерда бутун дунёдан келтирилган ноёб китоблар сотилади. Шаҳар ўзининг қадимий кўриниши ва руҳиятини сақлаб қолган.