Туз истеъмол қилишнинг хавфсиз даражаси маълум бўлди

Макмастер университети (Канада) олимларининг аниқлашича, кунига беш граммдан кам миқдорда туз истеъмол қилиш гипертензия ва у билан боғлиқ юрак-қон томир касалликлари ривожланиш хавфини оширмайди. Илмий иш натижалари келтирилган мақола The Lancet журналида эълон қилинди.

Тадқиқотда бутун дунё бўйлаб 369та аҳоли пунктидан 30-75 ёш оралиғидаги 95 767 соғлом кўнгиллилар қатнашди. Олимлар натрий тузларининг кунлик истеъмолини баҳолаш учун пешоб намуналарини олишди, шунингдек, қон босимини ўлчашди. 82 544 кишидан олинган намунада юрак-қон томир касалликлари аниқланди.

Маълум бўлишича, Хитойдаги аҳоли пунктларидан 80 фоизгача бўлган иштирокчилар кунига беш граммдан кўпроқ туз истеъмол қиладилар, бошқа минтақаларда эса бу кўрсаткич кунига 3-5 граммгача тузни ташкил этган. Шу билан бирга, систолик қон босими ҳар бир қўшимча туз граммига 2,86 миллиметр симоб устунига ортган. Бироқ, жуда кам миқдорда туз истеъмоли ҳам юрак-қон томир касалликлари хавфини оширади. Кунига 4,7 грамм туз истеъмол қилиш даражасида юрак-қон томир касалликлари ва натрий тузи истеъмоли ўртасида ҳеч қандай боғлиқлик аниқланмаган.