Mercedes-Benz компанияси ўзининг серияли ишлаб чиқарилувчи илк электрокроссовери EQC’ни тақдим қилди. Таъкидланишича, у Tesla электромобилларига рақобатчи бўлади. Бу ҳақда Bloomberg ахборот агентлиги хабар бермоқда.
![](https://storage.kun.uz/source/uploads/20180508/a8ydav8dva21548-1.jpg)
Автомобил 80 кВт•соат ҳажмга эга литий-ион батареяда ишлайди. Автомобил бир қувватланишда 480 км йўл боса олади. Electrek нашрининг таъкидлашича, компания NEDC стандартни қўллагани сабабли бу қиймат ҳақиқатда 370-400 кмни ташкил қилса керак.
![](https://storage.kun.uz/source/uploads/20180508/a8ydav8dva21548-2.jpg)
EQC умумий қуввати 300 кВтни (408 от кучи) ташкил қилувчи иккита электродвигател билан жиҳозланган. Автомобил 100 км/соат тезликка 5,1 сонияда эриша олади ва унинг максимал тезлиги 180 км/соатни ташкил қилади.
![](https://storage.kun.uz/source/uploads/20180508/a8ydav8dva21548-3.jpg)
Daimler AG автоконцерни EQC’ни 2019 йил 1-ярмида оммавий ишлаб чиқаришни режалаштирган. Автомобилнинг нархи ҳақида ҳозирча маълумот йўқ.
![](https://storage.kun.uz/source/uploads/20180508/a8ydav8dva21548-4.jpg)
![](https://storage.kun.uz/source/uploads/20180508/a8ydav8dva21548-5.jpg)
Компания электромобилни яратишга дастлаб 10 млрд евро сармоя қилишни режалаштирган, бироқ харажатлар бу қийматдан ошиб кетган. Бу ҳақда Daimler AG бош директори Дитер Цетше EQC тақдимотида маълум қилди.
![](https://storage.kun.uz/source/uploads/20180508/a8ydav8dva21548-6.jpg)
Умуман олганда, немис компанияси 2022 йилгача 10 та электромобил яратишни ўз олдига мақсад қилиб қўйган.
![](https://storage.kun.uz/source/uploads/20180508/a8ydav8dva21548-7.jpg)