Фарғонадаги хонадондан 7,5 килограмм гиёҳвандлик моддаси топилди

2018 йилнинг 6 сентябрь куни Фарғона вилоятининг Ўзбекистон туманида вилоят ИИБ ходимлари томонидан “Қорадори-2018” тадбири ўтказилди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Тадбир давомида “Қайнар” ҚФЙда яшовчи И.Э. уйи томида 7 кг. 627 гр. “марихуана” ва 589 гр. “кўкнор” гиёҳвандлик воситаларини сақлаб келаётганлиги аниқланиб, далилий ашё сифатида олинди.

Ҳолат юзасидан жиноят иши қўзғатилиб, тергов ҳаракатлари олиб борилмоқда.