760 тонна юк кўтарадиган дунёдаги энг улкан юк машинаси

Рекорд миқдордаги – 450 тонна юк кўтарувчи БелАЗ юк машинаси ўз ўрнини янги даъвогарга бўшатиб берадиган кўринади. Словениянинг ETF Mining Equipment фирмаси конструкторлари 760 тонна юк кўтарадиган юк машинаси прототипини яратишди.

У модулли услубда тайёрланган бўлиб, заруратдан келиб чиққан ҳолда уни қисмларга бўлиш ёки қисмлар қўшиш мумкин. Бир нечта машинанинг кабинасини олиб ташлаб улардан автопоезд ҳам тиклаш мумкин. Бунда уларнинг барчасида двигатель бўлади ва автопоезд энг биринчида турган автомашина орқали бошқарилади.

Айтилишича, юк машинаси 180 тоннадан 760 тоннагача юк таший олади.

Унга эркин ҳаракатланиши учун эни атиги 24 метр бўлган йўл етарли. Айни пайтда унинг 5 ўқли ETF MT-240 деб номланган моделини синовдан ўтказиш режалаштирилмоқда.