WhoScored статистика портали рақиб жарима майдони яқинида аниқ узатма амалга оширувчи энг яхши футболчилар ҳақидаги маълумот билан ўртоқлашди.
Европанинг топ-5 лигалари ичида бу кўрсаткич бўйича «Челси»нинг бельгиялик яримҳимоячиси Эден Азар пешқадам экани маълум бўлди. Унинг ҳисобида 317та аниқ узатма бор.
2-ўринда «Барселона» ҳужумчиси Лео Месси боряпти – 285та узатма. «Манчестер Сити» яримҳимоячиси Давид Силва 275та узатма билан кучли учликни якунлаб берган.