Бир марта фойдаланиладиган буюмлар ҳақида биласизми?

Бир марта фойдаланиладиган буюмларнинг ихтиро қилиниши инсоният ҳаётини осонлаштирди. Бир марта фойдаланиладиган дастрўмол, бахила, гўдаклар учун таглик ва пластик стаканчаларсиз қандай яшашни бир тасаввур қилиб кўринг-а.

Бари бир марта қўлланиладиган соқол олиш устарасидан бошланган. Уни Кинг Кемп Жилетт ихтиро қилган. Унинг кашфиёти кўпчиликни бир марталик буюмлар яратишга ундади. Бир марталик салфеткалар 1924 йилда Kleenex бренди остида ишлаб чиқарилди.

Бир марта ишлатиладиган дастрўмоллар эса орадан 6 йил ўтгач ишлаб чиқарила бошланди. Улар харидорларга шу даражада ёқдики, Кимберли-Кларк компанияси раҳбарияти савдолар ҳажмини оширишга қарор қилди.

Замонавий бахилалар XX асрнинг бошига келибгина пайдо бўлган. Бироқ уларнинг прототипи ўрта асрлардаёқ яратилган. Ҳозирда бахилаларни тиббиёт муассасаларида айниқса кўп қўллашади. Улар тозалик ва гигиенани сақлаш имкониятини беради. Улар дунёнинг кўплаб музейларида ҳам кийилади.

Бундан ташқари, тиббиёт ходимлари иш жараёнида бир марталик халат, ниқоб, қалпоқ, қўлқоп ва қўлга кийиладиган махсус кийимларни қўллайдилар.

Тагликлар эса ёш оналарнинг ҳақиқий кўмакчисига айланган. Дастлаб улар кўп қўлланмаганига ишониш қийин. Одамлар уларни фойдаланиш учун қулай санашмаган. Улар учун болаларни йўргакка ўраб, йўргакни кунига ўн марталаб ювиш одатий юмуш саналган.

Илк пластик идиш 1908 йилда пайдо бўлган. Америкалик шифокор Элвин Дэвидсон жамоат жойларида фойдаланиладиган металл кружкалар инсон соғлиғига салбий таъсир кўрсатишини исботлаган. Натижада 1910 йилда картондан ишланган илк бир марталик стаканча ишлаб чиқарилди.

Бир марта фойдаланиладиган ёндиргичларнинг илк нусхалари ўтган асрнинг 72 йилида пайдо бўлган. Улар Bic бренди остида чиқарилган. Бунга қадар концерн шарикчали ручкалар ишлаб чиқарган.