Хавфсизлик кенгаши ва ИИВга бюджет ташкилотларидаги қўриқлаш постлари сонини мақбуллаштириш топшириғи берилди

Ўзбекистон президенти Хавфсизлик кенгаши ва Ички ишлар вазирлигига бюджет ташкилотларидаги мавжуд махсус қўриқлаш постлари сонини мақбуллаштириш топшириғини берди.

Бу Ўзбекистон президентининг “Ўзбекистон Республикасининг 2019 йилги асосий макроиқтисодий кўрсаткичлари прогнози ва Давлат бюджети параметрлари ҳамда 2020-2021 йилларга бюджет мўлжаллари тўғрисида”ги қарорида белгиланган.

Ҳужжатгакўра, Ўзбекистон Республикаси Президенти ҳузуридаги Хавфсизлик кенгаши Ўзбекистон Республикаси Ички ишлар вазирлиги билан биргаликда 2019 йил 1 апрелга қадар бюджет ташкилотларидаги мавжуд махсус қўриқлаш постлари сонини танқидий ўрганади ҳамда уларнинг сонини мақбуллаштиришни назарда тутган ҳолда махсус қўриқланиши талаб этиладиган ташкилотларнинг янгиланган рўйхатини тасдиқлайди.