Мессининг юбилей ҳэт-трики: футбол титанлари беллашуви статистикаси

Испания Ла-Лигаси 25-турида сафарда «Севилья» устидан қозонилган ғалабали (2:4) ўйинда «Барселона» ва Аргентина терма жамоаси ҳужумчиси Лионель Месси ўз карьерасидаги 50-ҳэт-трикни расмийлаштирди.

Албатта, Месси эришилган натижада тўхтаб қолмоқчи эмас. UEFA.com унинг ҳэт-триклар статистикасини таҳлил қилиб чиқди.

Месси ўз карьерасидаги энг биринчи ҳэт-трикни 2007 йилнинг мартида «Реал»га қарши кечган ўйинда расмийлаштирган. «Севилья»га қарши кечаги ўйин ҳозирча охиргиси бўлиб турибди. Яшил майдондаги ўн йилдан зиёдроқ фаолияти давомида у УЕФА Чемпионлар лигасида саккизта, Испания Ла-Лигасида 32та, Испания кубогида учта, Испания Суперкубогида битта ва Аргентина терма жамоаси сафида олтита ҳэт-трикка эришган.

Мессининг 2015-2018 йиллардаги барча голлари

Чемпионлар лигасидаги саккизта ҳэт-трикидан иккитасини у плей-офф ўйинларида киритган. 2012 йилнинг мартида «Байер»га қарши 1/8 финал ўйинининг жавоб учрашувида у 5та гол урган. Бунгача икки йил аввал, 2010 йилнинг апрелида иккинчи чоракфинал учрашувида «Арсенал» дарвозасига тўрт тўп киритган.

ЕЧЛ-2016/17 гуруҳ босқичида у ўзи иштирок этган икки ўйинда кетма-кет ҳэт трик расмийлаштирган. Биринчи турда «Сельтик»ка қарши, учинчи ўйинда «Манчестер Сити» дарвозасига. Иккинчи турда Дортмундга сафар ўйинини жароҳати боис ўтказиб юборган.

Испания Ла Лигасидаги ҳэт-триклар сони бўйича (32) у Криштиану Роналдудан ортда бормоқда — (34). Энди, португалиялик футболчи «Ювентус»га ўтгач, Мессида уни қувиб ўтиш учун яхши имконият бор.

Ла лигада Мессининг бу борадаги «севимли мижозлари» — «Валенсия», «Осасуна», «Эспаньол» ва «Депортиво»дир. Бу клублар дарвозасига у уч мартадан ҳэт-трик жойлаган. «Севилья»га тўхталадиган бўлса, бу клубга Месси икки марта Ла Лигада, бир марта УЕФА Суперкубогида ҳэт-трик урган.

Аргентина терма жамоасига энг муҳим ҳэт-трикни Месси 2017 йилнинг октябрида расмийлаштирган. Эквадор дарвозасига урилган уч гол унинг жамоасига ЖЧ-2018 йўлланмасини тақдим этган.

Бошқа ҳужумчиларда ҳолат қандай?

• Криштиану Роналду (МЮ, «Реал», «Ювентус» ва Португалия) — 51
• Луис Суарес («Аякс», «Ливерпуль», «Барселона» ва Уругвай) — 29
• Серхио Агуэро («Атлетико», «Манчестер Сити» ва Аргентина) — 17
• Роберт Левандовски («Боруссия», «Бавария» ва Польша) — 17
• Эдинсон Кавани («Наполи», «ПСЖ» ва Уругвай) — 15
• Радамель Фалькао («Порту», «Атлетико», «Монако» ва Колумбия) — 10

Криштиану Роналду 51та ҳэт-трик рамийлаштирган. Уларнинг еттитаси ЕЧЛда (барчаси «Реал» сафида), еттитадан учтаси плей-офф босқичида.

Ички турнирларда португалиялик голеадор «МЮ» учун битта ҳэт-трик қилган, «Реал» учун 36та (улардан 34таси Ла Лигада, биттаси кубокда).

«Реал» учун яна бир ҳэт-трикни Криштиану Роналду клублар ўртасидаги жаҳон чемпионатида расмийлаштирган. Португалия учун у олти марта учталик голлар урган. «Ювентус» тиффозиси ҳозирча ундан бундай туҳфа олган эмас.