Россияда UZCARD ва Ўзбекистонда «Мир» тўлов карталаридан фойдаланиш бўйича шартнома имзоланди

Фото: Российская газета

UzCard тўлов тизими Россиянинг «Мир» тўлов тизими билан ҳамкорлик қилиш тўғрисидаги шартномани имзолади.

Шартнома Тошкентда бўлиб ўтаётган МДҲ давлатлари Халқаро молиявий-иқтисодий форуми доирасида имзоланди.

Шартнома 2019 йил охирига қадар UzCard тўлов тизими қатнашчилари бўлган банклар томонидан «Мир» тўлов карталарини қабул қилишни ташкиллаштиришни кўзда тутади.

Шунингдек, «Мир» тўлов тизими қатнашчилари бўлган Россия банклари томонидан UzCard карталари қабул қилинишини таъминлаш режалаштирилган.

Бундан ташқари, икки мамлакат тўлов тизимларининг ўзаро ҳамкорлиги натижасида UzCard «Мир» тўлов тизими технологияларидан фойдаланиш имкониятига эга бўлади.