Ўзбекистон ва Корея бош прокурорлари ўзаро ҳамкорлик масалаларини муҳокама қилди

Фото: Бош прокуратура матбуот хизмати

Ўзбекистон Республикаси бош прокурори Корея Республикаси бош прокурори Мун Му-ил бошчилигидаги делегацияни қабул қилди, деб хабар берди Бош прокуратура матбуот хизмати.

Қайд этилишича, учрашув давомида меҳмонларга прокуратура органларида бўлаётган асосий янгиланиш жараёни ҳақида маълумот берилди.

Хабарда айтилишича, учрашувда томонлар ўзаро манфаатли бўлган кенг қамровли масалаларни муҳокама қилдилар ва идоралараро ҳамкорликни ривожлантириш истиқболлари бўйича фикр алмашдилар.

“Учрашув якунида жаноб Мун Ўзбекистон бош прокурорига самимий қабул учун миннатдорчилик билдириб, ўзаро манфаатли идоралараро ҳамкорликни янада ривожлантиришга тайёрлигини билдирди”, дейилади хабарда.

Тайёрлаган: Дилшод Аскаров

#прокуратура #Ўзбекистон #Корея