Нурсултон Назарбоев Алишер Усмоновга “Дўстлик” орденини топширди

Қозоғистоннинг биринчи президенти Нурсултон Назарбоев USM Holdings муассиси, тадбиркор Алишер Усмоновга “Дўстлик” орденини топширди, деб хабар берди Оқўрда матбуот хизмати.

РБК нашрининг маълумот беришича, Усмонов 1-даражали «Достик» ордени билан 2018 йил декабрда, ўша пайтдаги президент Назарбоевнинг фармони билан мукофотланган. Аммо орденни топшириш маросими олти ойдан сўнг ўтказилди.

Бу Усмоновнинг Қозоғистон давлат мукофоти билан биринчи марта мукофотланиши эмас. У 2011 йилда 2-даражали «Достик» ордени билан мукофотланган. Ўша йили Усмоновга Жанубий Осетия Фахри ордени ҳам топширилган. Усмонов шунингдек, «Эл-юрт ҳурмати» (Ўзбекистон, 2018 йил) ва «Италия Республикаси олдидаги хизматлари учун» орденлари (Италия, 2016 йил) билан мукофотланган.