Дунёнинг аҳолиси энг катта маош олувчи шаҳри маълум қилинди

Фото: politeka.net

Экспертлар дунёнинг аҳолиси энг катта маош олувчи шаҳарларини маълум қилишди. Бу ҳақда Bloomberg ахборот агентлиги Deutsche Bank ўтказган тадқиқотга таяниб хабар берди.

Рейтингнинг 1-ўрнини биринчи марта Сан-Франциско эгаллади. Ушбу шаҳарда ўртача ойлик солиқлар чегирилгандан кейин 6,52 минг долларни ташкил қилади.

2-ўринни аввалги етакчи Цюрих эгаллаган, бу ерда ўртача ойлик 6,1 минг долларни ташкил қилар экан.

3-ўринни 4,6 минг долларлик ўртача ойлик билан Нью-Йорк, 4-ўринни Бостон (4,28 минг доллар), 5-ўринни Чикаго (4,06 минг доллар) эгаллаган.

Етакчи ўнталикдан Лондон, Сидней, Осло, Копенгаген ва Мельбурн ҳам ўрин олган.

#Сан-Франциско #маош