Математика бўйича Абел мукофоти илк бор аёл кишига топширилди

Фото: Andrea Kane/Institute for Advanced Study

Ослода математика бўйича Абел мукофоти (Нобел мукофотининг муқобили) билан тақдирлаш маросими бўлиб ўтди. Илк бор ушбу нуфузли мукофот аёл кишига топширилди.

Мукофотни Норвегия қироли Харальд V Осло университети маросимлар залида топширган. Ушбу йил мукофот Техас университети профессори Карен Уленбекка насиб қилди.

Маълум қилинишича, Уленбек ушбу мукофотни олган илк аёл бўлди. Олима “хусусий ҳосилали геометрик дифференциал тенгламалар, калибрлаш назарияси соҳасидаги ютуқлари” учун мукофот билан тақдирланган.