Тошкентда шахмат бўйича мактаб ўқувчилари ўртасида Осиё чемпионати ўтказилмоқда

Тошкентдаги «Intercontinental Tashkent» меҳмонхонаси анжуманлар залида мактаб ўқувчилари ўртасида шахмат бўйича Осиё чемпионати ўтказилмоқда. Унда 20 га яқин давлатдан 200 га яқин иштирокчилар шахматнинг рапид, стандарт, блиц йўналишлари бўйича беллашишмоқда.

Мусобақанинг очилиш куни (20 июнь) рапид йўналиши бўйича ғолиблар аниқланди. 24 июнь эса стандарт йўналишининг 5-6 турлари ўтказилиши кўзда тутилган. Мусобақа рейтингида ўзбекистонлик мактаб ўқувчилари 5 та олтин, 4 та кумуш, 8 та бронза билан етакчилик қилишмоқда. Мактаб ўқувчилари ўртасида ўтказилаётган Осиё чемпионати 27 июнга қадар давом этади.